Die storie agter suigstokkie
Daar is min dinge wat Suid-Afrikaners so vinnig bymekaar bring soos kos.
‘n Braai. ‘n Bord pap en wors. ‘n Vars vetkoek. ‘n Stroperige koeksister. Skielik vertel iemand ‘n storie, deel ‘n herinnering of maak ‘n grappie wat almal verstaan.
Dis waar suigstokkie begin.
Ons is ‘n Suid-Afrikaanse klerehandelsmerk wat T-hemde ontwerp, geïnspireer deur kos, kultuur en humor. Ons vat die dinge waarmee ons grootgeword het en verander dit in minimalistiese ontwerpe wat mense laat glimlag, twee keer laat kyk en dikwels ‘n gesprek begin.
Eg Suid-Afrikaanse humor!
Ons is trots op ons Afrikaanse wortels, maar suigstokkie is vir almal wat iets van Suid-Afrika saam met hulle wil dra.
Of jy nou hier grootgeword het, oorsee woon en die land mis, of Suid-Afrika vir die eerste keer besoek het, ons hoop elke ontwerp vat ‘n klein stukkie van daardie ervaring saam huis toe.
Ons hemde vier nie net Afrikaanse kultuur nie. Hulle vier die mense, die kuier, die kos en die humor wat Suid-Afrika uniek maak.
Hoekom kos?Omdat kos nog nooit net oor kos gegaan het nie.
Kos herinner ons aan mense, plekke en oomblikke. Dit is Sondagmiddagetes, familiebraaie, padkos, vakansies en kuier om ‘n kombuistafel. Dis die geure en geregte wat deel geword het van ons kultuur.
Daarom begin baie van ons ontwerpe by bekende Suid-Afrikaanse gunstelinge soos pap, wors, vetkoek, koeksisters en ander kos wat dadelik herkenning bring. Nie omdat dit net lekker is nie, maar omdat dit stories vertel.
By suigstokkie glo ons die beste grappies is dié wat mense self ontdek.
Ons ontwerpe is eenvoudig, maar doelbewus. Soms sien iemand net ‘n woord op ‘n hemp. Iemand anders sien dadelik die knipoog. En albei is reg.
Ons hou van humor wat subtiel is, mense laat dink en nooit alles verklap nie. Want ngeie elke grappie hoef hardop vertel te word nie.
100% gekamde katoen
Die materiaal is sag, gemaklik en ontwerp om mooi te hou, sodat jy jou gunsteling ontwerp keer op keer kan dra.
